Канон покаянный ко господу нашему иисусу. Каноны и молитвы для подготовки к Таинствам Исповеди и Святого Причастия. Для чего нужно покаяние

Канон покаянный ко господу нашему иисусу. Каноны и молитвы для подготовки к Таинствам Исповеди и Святого Причастия. Для чего нужно покаяние

Песнь 1

Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Господу Иисусу Христу

Припев: Помилуй мя, Боже, помилуй мя.

Ныне приступих аз грешный и обремененный к Тебе, Владыце и Богу моему; не смею же взирати на небо, токмо молюся, глаголя: даждь ми, Господи, ум, да плачуся дел моих горько.

Помилуй мя, Боже, помилуй мя.

О, горе мне грешному! Паче всех человек окаянен есмь, покаяния несть во мне; даждь ми, Господи, слезы, да плачуся дел моих горько.

Помилуй мя, Боже, помилуй мя.

Безумне, окаянне человече, в лености время губиши; помысли житие твое, и обратися ко Господу Богу, и плачися о делех твоих горько.

Припев:

Богородичен

Мати Божия Пречистая, воззри на мя грешнаго, и от сети диаволи избави мя, и на путь покаяния настави мя, да плачуся дел моих горько.

Пресвятей Богородице

Многими содержимь напастьми, к Тебе прибегаю, спасения иский: о Мати Слова и Дево, от тяжких и лютых мя спаси.

Пресвятая Богородице, спаси нас.

Страстей мя смущают прилози, многаго уныния исполните мою душу; умири, Отроковице, тишиною Сына и Бога Твоего, Всенепорочная.

Пресвятая Богородице, спаси нас.

Спаса рождшую Тя и Бога, молю, Дево, избавитися ми лютых: к Тебе бо ныне прибегая, простираю и душу и помышление.

Пресвятая Богородице, спаси нас.

Недугующа телом и душею, посещения Божественнаго и промышления от Тебе сподоби, едина Богомати, яко благая, Благаго же Родительница.

Ангелу хранителю

Иисусу: Господи Иисусе Христе Боже мой, помилуй мя.

Песнь воспети и восхвалити, Спасе, Твоего раба достойно сподоби, безплотному Ангелу, наставнику и хранителю моему.

Припев:

Един аз в неразумии и в лености ныне лежу, наставниче мой и хранителю, не остави мене погибающа.

Слава : Ум мой твоею молитвою направи, творити ми Божия повеления, да получу от Бога отдание грехов, и ненавидети ми злых настави мя, молюся ти.

И ныне : Молися, Девице, о мне, рабе Твоем, ко Благодателю, со хранителем моим Ангелом, и настави мя творити заповеди Сына Твоего и Творца моего.

Песнь 3

Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

Господу Иисусу Христу

Помилуй мя, Боже, помилуй мя.

Внегда поставлени будут престоли на судищи Страшнем, тогда всех человек дела обличатся; горе тамо будет грешным, в муку отсылаемым; и то ведущи, душе моя, покайся от злых дел твоих.

Помилуй мя, Боже, помилуй мя.

Праведницы возрадуются, а грешнии восплачутся, тогда никтоже возможет помощи нам, но дела наша осудят нас; темже прежде конца покайся от злых дел твоих.

Помилуй мя, Боже, помилуй мя.

Увы мне великогрешному! Иже делы и мысльми осквернився, ни капли слез имею от жестокосердия; ныне возникни от земли, душе моя, и покайся от злых дел твоих.

Пресвятая Богородице, спаси нас.

Богородичен:

Се, взывает, Госпоже, Сын Твой, и поучает нас на доброе, аз же грешный добра всегда бегаю; но Ты, Милостивая, помилуй мя, да покаюся от злых моих дел.

Пресвятей Богородице

Пресвятая Богородице, спаси нас.

Предстательство и покров жизни моея полагаю Тя, Богородительнице Дево: Ты мя окорми ко пристанищу Твоему, благих виновна, верных утверждение, едина Всепетая.

Пресвятая Богородице, спаси нас.

Молю, Дево, душевное смущение и печали моея бурю разорити: Ты бо, Богоневестная, начальника тишины Христа родила еси, едина Пречистая.

Пресвятая Богородице, спаси нас.

Благодетеля рождши добрых виновнаго, благодеяния богатство всем источи, вся бо можеши, яко сильнаго в крепости Христа рождши, Богоблаженная.

Пресвятая Богородице, спаси нас.

Лютыми недуги и болезненными страстьми истязаему, Дево, Ты ми помози: исцелений бо неоскудное Тя знаю сокровище, Пренепорочная, неиждиваемое.

Ангелу хранителю

Святый Ангеле Божий, хранителю мой, моли Бога о мне.

Все помышление мое и душу мою к тебе возложих, хранителю мой; ты от всякия мя напасти вражия избави.

Святый Ангеле Божий, хранителю мой, моли Бога о мне.

Враг попирает мя, и озлобляет, и поучает всегда творити своя хотения; но ты, наставниче мой, не остави мене погибающа.

Слава : Пети песнь со благодарением и усердием Творцу и Богу даждь ми, и тебе, благому Ангелу хранителю моему: избавителю мой, изми мя от враг озлобляющих мя.

И ныне : Исцели, Пречистая, моя многонедужныя струпы, яже в души, прожени враги, иже присно борются со мною.

Господи, помилуй (трижды).

Седален Господу Иисусу Христу

Помышляю день страшный и плачуся деяний моих лукавых: како отвещаю Безсмертному Царю, или коим дерзновением воззрю на Судию, блудный аз? Благоутробный Отче, Сыне Единородный и Душе Святый, помилуй мя.

Слава:

Седален Ангелу хранителю

От любве душевныя вопию ти, хранителю моея души, всесвятый мой Ангеле: покрый мя и соблюди от лукаваго ловления всегда, и к жизни настави небесней, вразумляя и просвещая и укрепляя мя.

И ныне:

Богородичен.

Богородице безневестная Пречистая, Яже без Семене рождши всех Владыку, Того со Ангелом хранителем моим моли, избавити ми ся всякаго недоумения, и дати умиление и свет души моей и согрешением очищение, Яже едина вскоре заступающи.

Песнь 4

Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.

Господу Иисусу Христу

Помилуй мя, Боже, помилуй мя.

Широк путь зде и угодный сласти творити, но горько будет в последний день, егда душа от тела разлучатися будет: блюдися от сих, человече, Царствия ради Божия.

Помилуй мя, Боже, помилуй мя.

Почто убогаго обидиши, мзду наемничу удержуеши, брата твоего не любиши, блуд и гордость гониши? Остави убо сия, душе моя, и покайся Царствия ради Божия.

Помилуй мя, Боже, помилуй мя.

О безумный человече, доколе углебаеши, яко пчела, собирающи богатство твое? Вскоре бо погибнет, яко прах и пепел: но более взыщи Царствия Божия.

Пресвятая Богородице, спаси нас.

Богородичен:

Госпоже Богородице, помилуй мя грешнаго, и в добродетели укрепи, и соблюди мя, да наглая смерть не похитит мя неготоваго, доведи мя, Дево, Царствия Божия.

Пресвятей Богородице

Пресвятая Богородице, спаси нас.

Страстей моих смущение, кормчию рождшая Господа, и бурю утиши моих прегрешений, Богоневестная.

Пресвятая Богородице, спаси нас.

Милосердия Твоего бездну призывающу подаждь ми, Яже Благосердаго рождшая и Спаса всех, поющих Тя.

Пресвятая Богородице, спаси нас.

Наслаждающеся, Пречистая, Твоих дарований, благодарственное воспеваем пение, ведуще Тя, Богоматерь.

Пресвятая Богородице, спаси нас.

На одре болезни моей и немощи низлежащу ми, яко Боголюбива, помози, Богородице, едина Приснодево.

Пресвятая Богородице, спаси нас.

Надежду и утверждение и спасения стену недвижиму имуще Тя, Всепетая, неудобства всякаго избавляемся.

Ангелу хранителю

Святый Ангеле Божий, хранителю мой, моли Бога о мне.

Моли Человеколюбца Бога ты, хранителю мой, и не остави мене, но присно в мире житие мое соблюди и подаждь ми спасение необоримое.

Святый Ангеле Божий, хранителю мой, моли Бога о мне.

Яко заступника и хранителя животу моему прием Тя от Бога, Ангеле, молю тя, святый, от всяких мя бед свободи.

Слава : Мою скверность твоею святынею очисти, хранителю мой, и от части шуия да отлучен буду молитвами твоими и причастник славы явлюся.

И ныне : Недоумение предлежит ми от обышедших мя зол, Пречистая, но избави мя от них скоро: к Тебе бо единей прибегох.

Песнь 5

Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.

Господу Иисусу Христу

Помилуй мя, Боже, помилуй мя.

Воспомяни, окаянный человече, како лжам, клеветам, разбою, немощем, лютым зверем, грехов ради порабощен еси; душе моя грешная, того ли восхотела еси?

Помилуй мя, Боже, помилуй мя.

Трепещут ми уди, всеми бо сотворих вину: очима взираяй, ушима слышай, языком злая глаголяй, всего себе геенне предаяй; душе моя грешная, сего ли восхотела еси?

Помилуй мя, Боже, помилуй мя.

Блудника и разбойника кающася приял еси, Спасе, аз же един леностию греховною отягчихся и злым делом поработихся; душе моя грешная, сего ли восхотела еси?

Пресвятая Богородице, спаси нас.

Богородичен: Дивная и скорая помощнице всем человеком, Мати Божия, помози мне недостойному, душа бо моя грешная того восхоте.

Пресвятей Богородице

Пресвятая Богородице, спаси нас.

Исполни, Чистая, веселия сердце мое, Твою нетленную дающи радость, веселия рождшая виновнаго.

Пресвятая Богородице, спаси нас.

Избави нас от бед, Богородице чистая, вечное рождши избавление, и мир, всяк ум преимущий.

Пресвятая Богородице, спаси нас.

Разреши мглу прегрешений моих, Богоневесто, просвещением Твоея светлости, Свет рождшая Божественный и превечный.

Пресвятая Богородице, спаси нас.

Исцели, Чистая, души моей неможение, посещения Твоего сподобльшая, и здравие молитвами Твоими подаждь ми.

Ангелу хранителю

Святый Ангеле Божий, хранителю мой, моли Бога о мне.

Яко имея дерзновение к Богу, хранителю мой святый, Сего умоли от оскорбляющих мя зол избавити.

Святый Ангеле Божий, хранителю мой, моли Бога о мне.

Свете светлый, светло просвети душу мою, наставниче мой и хранителю, от Бога данный ми Ангеле.

Слава: Спяща мя зле тяготою греховною, яко бдяща сохрани, Ангеле Божий, и возстави мя на славословие молением твоим.

И ныне : Марие, Госпоже Богородице безневестная, надеждо верных, вражия возношения низложи, поющия же Тя возвесели.

Песнь 6

Житейское море, воздвигаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Господу Иисусу Христу

Помилуй мя, Боже, помилуй мя.

Житие на земли блудно пожих и душу во тьму предах, ныне убо молю Тя, Милостивый Владыко: свободи мя от работы сея вражия, и даждь ми разум творити волю Твою.

Помилуй мя, Боже, помилуй мя.

Кто творит таковая, якоже аз? Якоже бо свиния лежит в калу, тако и аз греху служу. Но Ты, Господи, исторгни мя от гнуса сего и даждь ми сердце творити заповеди Твоя.

Помилуй мя, Боже, помилуй мя.

Воспряни, окаянный человече, к Богу, воспомянув своя согрешения, припадая ко Творцу, слезя и стеня; Той же, яко милосерд, даст ти ум знати волю Свою.

Пресвятая Богородице, спаси нас.

Богородичен: Богородице Дево, от видимаго и невидимаго зла сохрани мя, Пречистая, и приими молитвы моя, и донеси я Сыну Твоему, да даст ми ум творити волю Его.

Пресвятей Богородице

Пресвятая Богородице, спаси нас.

Смерти и тли яко спасл есть, Сам Ся издав смерти, тлением и смертию мое естество ято бывшее, Дево, моли Господа и Сына Твоего, врагов злодействия мя избавити.

Пресвятая Богородице, спаси нас.

Предстательницу Тя живота вем и хранительницу тверду, Дево, и напастей решащу молвы, и налоги бесов отгоняющу; и молюся всегда, от тли страстей моих избавити мя.

Пресвятая Богородице, спаси нас.

Яко стену прибежища стяжахом, и душ всесовершенное спасение, и пространство в скорбех, Отроковице, и просвещением Твоим присно радуемся: о Владычице, и ныне нас от страстей и бед спаси.

Пресвятая Богородице, спаси нас.

На одре ныне немощствуяй лежу, и несть исцеления плоти моей: но, Бога и Спаса миру и Избавителя недугов рождшая, Тебе молюся, Благой: от тли недуг возстави мя.

Ангелу хранителю

Святый Ангеле Божий, хранителю мой, моли Бога о мне.

Всяких мя напастей свободи, и от печалей спаси, молюся ти, святый Ангеле, данный ми от Бога, хранителю мой добрый.

Святый Ангеле Божий, хранителю мой, моли Бога о мне.

Освети ум мой, блаже, и просвети мя, молюся ти, святый Ангеле, и мыслити ми полезная всегда настави мя.

Слава: Устави сердце мое от настоящаго мятежа, и бдети укрепи мя во благих, хранителю мой, и настави мя чудно к тишине животней.

И ныне: Слово Божие в Тя вселися, Богородице, и человеком Тя показа небесную лествицу; Тобою бо к нам Вышний сошел есть.

Господи, помилуй (трижды).

Слава, и ныне.

Кондак Иисусу Христу

Душе моя, почто грехами богатееши, почто волю диаволю твориши, в чесом надежду полагаеши? Престани от сих и обратися к Богу с плачем, зовущи: милосерде Господи, помилуй мя грешнаго.

Икос Иисусу Христу

Помысли, душе моя, горький час смерти и страшный суд Творца твоего и Бога: Ангели бо грознии поймут тя, душе, и в вечный огнь введут: убо прежде смерти покайся, вопиющи: Господи, помилуй мя грешнаго.

Песнь 7

Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.

Господу Иисусу Христу

Помилуй мя, Боже, помилуй мя.

Не надейся, душе моя, на тленное богатство и на неправедное собрание, вся бо сия не веси кому оставиши, но возопий: помилуй мя, Христе Боже, недостойнаго.

Помилуй мя, Боже, помилуй мя.

Не уповай, душе моя, на телесное здравие и на скоромимоходящую красоту, видиши бо, яко сильнии и младии умирают; но возопий: помилуй мя, Христе Боже, недостойнаго.

Помилуй мя, Боже, помилуй мя.

Воспомяни, душе моя, вечное житие, Царство Небесное, уготованное святым, и тьму кромешную и гнев Божий злым, и возопий: помилуй мя, Христе Боже, недостойнаго.

Пресвятая Богородице, спаси нас.

Богородичен

Припади, душе моя, к Божией Матери и помолися Той, есть бо скорая помощница кающимся, умолит Сына Христа Бога, и помилует мя недостойнаго.

Пресвятей Богородице

Пресвятая Богородице, спаси нас.

Наше спасение якоже восхотел еси, Спасе, устроити, во утробу Девыя вселился еси, Юже миру предстательницу показал еси: отец наших Боже, благословен еси.

Пресвятая Богородице, спаси нас.

Волителя милости, Егоже родила еси, Мати Чистая, умоли избавитися от прегрешений и душевных скверн верою зовущим: отец наших Боже, благословен еси.

Пресвятая Богородице, спаси нас.

Сокровище спасения и Источник нетления, Тя рождшую и столп утверждения, и дверь покаяния, зовущим показал еси: отец наших Боже, благословен еси.

Пресвятая Богородице, спаси нас.

Телесныя слабости и душевныя недуги, Богородительнице, любовию приступающих к крову Твоему, Дево, исцелити сподоби, Спаса Христа нам рождшая.

Ангелу хранителю

Святый Ангеле Божий, хранителю мой, моли Бога о мне.

Милостив буди ми и умоли Бога, Господень Ангеле, имею бо тя заступника во всем животе моем, наставника же и хранителя, от Бога дарованнаго ми во веки.

Святый Ангеле Божий, хранителю мой, моли Бога о мне.

Не остави в путь шествующия души моей окаянныя убити разбойником, святый Ангеле, яже ти от Бога предана бысть непорочне; но настави ю на путь покаяния.

Слава: Всю посрамлену душу мою привожду от лукавых ми помысл и дел: но предвари, наставниче мой, и исцеление ми подаждь благих помысл, уклоняти ми ся всегда на правыя стези.

И ныне: Премудрости исполни всех и крепости Божественныя, Ипостасная премудросте Вышняго, Богородицы ради, верою вопиющих: отец наших Боже, благословен еси.

Песнь 8

Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.

Господу Иисусу Христу

Помилуй мя, Боже, помилуй мя.

Како не имам плакатися, егда помышляю смерть, видех бо во гробе лежаща брата моего, безславна и безобразна? Что убо чаю, и на что надеюся? Токмо даждь ми, Господи, прежде конца покаяние (дважды).

Верую, яко приидеши судити живых и мертвых, и вси во своем чину станут, старии и младии, владыки и князи, девы и священницы; где обрящуся аз? Сего ради вопию: даждь ми, Господи, прежде конца покаяние.

Пресвятая Богородице, спаси нас.

Богородичен: Пречистая Богородице, приими недостойную молитву мою, и сохрани мя от наглыя смерти, и даруй ми прежде конца покаяние.

Пресвятей Богородице

Пресвятая Богородице, спаси нас

Помощи яже от Тебе требующия не презри, Дево, поющия и превозносящия Тя во веки.

Пресвятая Богородице, спаси нас

Неможение души моея исцеляеши и телесныя болезни, Дево, да Тя прославлю, Чистая, во веки.

Пресвятая Богородице, спаси нас.

Исцелений богатство изливаеши верно поющимя Тя, Дево, и превозносящим неизреченное Твое рождество.

Напастей Ты прилоги отгоняеши и страстей находы, Дево: темже Тя поем во вся веки.

Ангелу хранителю

Святый Ангеле Божий, хранителю мой, моли Бога о мне.

От Бога посланный, утверди живот мой, раба твоего, преблагий Ангеле, и не остави мене во веки.

Святый Ангеле Божий, хранителю мой, моли Бога о мне.

Ангела тя суща блага, души моей наставника и хранителя, преблаженне, воспеваю во веки.

Слава: Буди ми покров и забрало в день испытания всех человек, воньже огнем искушаются дела благая же и злая.

И ныне: Буди ми помощница и тишина, Богородице Приснодево, рабу Твоему, и не остави мене лишена быти Твоего владычества.

Песнь 9

Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с небесными вои Тя ублажаем.

Господу Иисусу Христу

Помилуй мя, Боже, помилуй мя.

Ныне к вам прибегаю, Ангели, Архангели и вся небесныя силы, у Престола Божия стоящии, молитеся ко Творцу своему, да избавит душу мою от муки вечныя.

Помилуй мя, Боже, помилуй мя.

Ныне плачуся к вам, святии патриарси, царие и пророцы, апостоли и святителие и вси избраннии Христовы: помозите ми на суде, да спасет душу мою от силы вражия.

Помилуй мя, Боже, помилуй мя.

Ныне к вам воздежу руце, святии мученицы, пустынницы, девственницы, праведницы и вси святии, молящиися ко Господу за весь мир, да помилует мя в час смерти моей.

Пресвятая Богородице, спаси нас.

Богородичен: Мати Божия, помози ми, на Тя сильне надеющемуся, умоли Сына Твоего, да поставит мя недостойнаго одесную Себе, егда сядет судяй живых и мертвых. Аминь.

Пресвятей Богородице

Пресвятая Богородице, спаси нас.

Тока слез моих не отвратися, Яже от всякаго лица всяку слезу, отьемшаго, Дево, Христа рождшая.

Пресвятая Богородице, спаси нас.

Радости мое сердце исполни, Дево, Яже радости приемшая исполнение, греховную печаль потребляющи.

Пресвятая Богородице, спаси нас.

Пристанище и предстательство к Тебе прибегающих буди, Дево, и стена нерушимая, прибежище же, и покров, и веселие. Пресвятая Богородице, спаси нас. Света Твоего зарями просвети, Дево, мрак неведения отгоняющи, благоверно Богородицу Тя исповедающих.

Пресвятая Богородице, спаси нас.

На месте озлобления немощи смирившагося, Дево, исцели, из нездравия во здравие претворяющи.

Ангелу хранителю

Иисусу: Господи Иисусе Христе, Боже мой, помилуй мя.

Помилуй мя, едине Спасе мой, яко милостив еси и милосерд, и праведных ликов сотвори мя причастника.

Святый Ангеле Божий, хранителю мой, моли Бога о мне.

Мыслити ми присно и творити, Господень Ангеле, благая и полезная даруй, яко сильна яви в немощи и непорочна.

Слава: Яко имея дерзновение к Царю Небесному, Того моли, с прочими безплотными, помиловати мя окаяннаго. И ныне: Много дерзновение имущи, Дево, к Воплощшемуся из Тебе, преложи мя от уз и разрешение ми подаждь и спасение, молитвами Твоими.

Молитва ко Господу нашему Иисусу Христу

Владыко Христе Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Тебе прегрешившему, слезы умиления; сраствори моему телу от обоняния Животворящаго Тела Твоего, и наслади душу мою Твоею Честною Кровию от горести, еюже мя сопротивник напои; возвыси мой ум к Тебе, долу поникший, и возведи от пропасти погибели: яко не имам покаяния, не имам умиления, не имам слезы утешительныя, возводящия чада ко своему наследию. Омрачихся умом в житейских страстех, не могу воззрети к Тебе в болезни, не могу согретися слезами, иже к Тебе любве. Но, Владыко Господи Иисусе Христе, сокровище благих, даруй мне покаяние всецелое и сердце люботрудное во взыскание Твое, даруй мне благодать Твою и обнови во мне зраки Твоего образа. Оставих Тя, не остави мене; изыди на взыскание мое, возведи к пажити Твоей и сопричти мя овцам избраннаго Твоего стада, воспитай мя с ними от злака Божественных Твоих Таинств, молитвами Пречистыя Твоей Матере и всех святых Твоих. Аминь.

Молитва ко Пресвятой Богородице

Царице моя преблагая, надежде моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Молитва ко Ангелу хранителю

О святый Ангеле, хранителю и покровителю мой благий! С сокрушенным сердцем и болезненною душею предстою ти, моляся: услыши мя грешнаго раба своего (имярек), с воплем крепким и плачем горьким вопиющаго; не помяни моих беззаконий и неправд, имиже аз окаянный прогневляю тя по вся дни и часы, и мерзостна себе творю пред Создателем нашим Господем; явися мне милосерд и не отлучайся мене сквернаго даже до кончины моей; возбуди мя от сна греховнаго и пособствуй твоими молитвами прочее время живота моего без порока прейти и сотворити плоды достойны покаяния, паче же от смертных падений греховных соблюди мя, да не погибну во отчаянии и да не порадуется враг о погибели моей. Вем воистинну и усты исповедую, яко никтоже таков друг и предстатель, защититель и поборник, якоже ты, святый Ангеле: предстоя бо Престолу Господню, молишися о мне непотребнем и паче всех грешнейшем, да не изъимет Преблагий души моей в день нечаяния моего и в день творения злобы. Не престай убо умилостивляя премилосердаго Господа и Бога моего, да отпустит согрешения моя, яже сотворих во всем житии моем, делом, словом и всеми моими чувствы, и имиже весть судьбами, да спасет мя; да накажет мя зде по Своей неизреченней милости, но да не обличит и не истяжет мя онамо по Своему нелицеприятному правосудию; да сподобит мя покаяние принести, с покаянием же Божественное причащение достойно прияти, о сем паче молю и таковаго дара всеусердно желаю. В страшный же час смерти, неотступен буди ми, благий хранителю мой, прогоняя мрачныя демоны, имущия устрашити претрепетную душу мою; защити мя от тех ловления, егда имам преходити воздушная мытарства, да храним тобою, безбедно достигну рая ми вожделеннаго, идеже лицы святых и горних сил непрестанно восхваляют всечестное и великолепое имя в Троице славимаго Бога, Отца, и Сына, и Святаго Духа, Емуже подобает честь и поклонение во веки веков. Аминь.

Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Иисусова молитва

Господи Иисусе Христе, Сыне Божий, помилуй мя, грешнаго.

Молитва предначинательная

Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь. Слава Тебе, Боже наш, слава Тебе.

Распространенные молитвы

Во имя Отца, и Сына, и Святаго Духа. Аминь.

Эта молитва называется начальною, потому что произносится прежде других молитв, в начале молитв. В этой молитве мы просим Бога Отца, Бога Сына и Бога Духа Святого, то есть Пресвятую Троицу, невидимо благословить нас на предстоящее дело Своим именем.

Господи, благослови!

Эта молитва произностся в начале каждого дела.

Господи, помилуй!

Помилуй - означает, будь милостив, прости. Данная молитва одна из древнейших и общая у всех христиан. Произносится, когда вспоминаем наши грехи. Во славу Святой Троицы эта молитва произносится три раза. Произносится 12 раз, спрашивая у Бога благословение на каждый час дня и ночи; 40 раз, для освящения всей нашей жизни.

Слава Богу

Молитва произносится по окончании дела в знак благодарности Богу за Его милости.

Молитва ко Господу Иисусу Христу

Господи Иисусе Христе, Боже мой, покрый мя и раб твоих (имена) от злобы супостата нашего, зане сила его крепка, естество же наше страстно и сила наша немощна. Ты убо, о Благий, сохрани мя от смущения помыслов и потопа страстей. Господи, Пресладкий мой Иисусе, помилуй и спаси мя и рабов Твоих (имена).

Молитва вторая ко Господу Иисусу Христу

О, Господи, Иисусе Христе! Не отврати лица Твоего от нас, рабов твоих (имена) и уклонися гневом от рабов Твоих: помошник нам буди, не отрини нас и не остави нас.

Молитва третья ко Господу Иисусу Христу

Помилуй мя, Господи, и не даждь мне погибнуть! Помилуй мя, Господи, яко немощен есмь! посрами, Господи, борющаго мя беса. Упование мое, осени над главою моею в день брани бесовския! борющаго мя врага побори, Господи, и обуревающия мя помыслы укроти тишиною Твоею, Слове Божий!

Молитва четвертая ко Господу Иисусу Христу

Господи! Се сосуд Твой есмь: наполни мя дарованиями Духа Твоего Святого, без Тебя я пуст всякого блага, или паче полн всякого греха. Господи! Се корабль Твой есмь: исполни мя грузом добрых дел. Господи! Се ковчег Твой: исполни его не прелестью сребролюбия и сластей, а любовию к Тебе и к одушевленному образу Твоему - человеку.

Как научиться понимать молитвы? Перевод слов молитв из молитвослова для мирян с церковно-славянского, разъяснения смысла молитв и прошений. Толкования и цитаты Святых Отцов. Иконы.

***

Это одна из самых сложных символических иконографических композиций: Господь уподобляется солнцу, как источник света, а способ Божественного ведения - глазу.

Всевидящее Око Божие Круг первый, центральный, с четырьмя исходящими из него лучами, заканчивающимися за большим кругом изображениями евангелистов или их символов.

Круг второй представляет собой как бы лицо человека, на котором помещены четыре глаза, нос и уста. Надпись по окружности: "Величит душа моя Господа и возрадовася дух мой о Бозе Спасе Моем".

Над вторым кругом изображена с воздетыми руками Богородица. И третий круг пересекается множеством густых лучей, исходящих из центра главного - Солнца Правды-Иисуса Христа, направо и налево от Которого написано: "Очи мои на верныя земли посадити и с собою". Надпись на окружности: "Угль Исайи проявляяй солнце из Девической утробы, возсия во тьме, заблудшим благоразумия просвещение подавая".

Круг четвёртый, самый большой, изображает звёздное небо с тремя серафимами и надписями: "Серафим слово Бог", или же в этом круге четыре ангела, из которых два внизу со свитками.

Венчает всю икону круг, усечённый внизу, в котором олицетворено "Небо небес" с тремя в нём серафимами, окружающими Господа Саваофа, благословляющего обеими руками; Св. Дух, от Него исходящий, спускается в виде голубя на главу Богородицы. Фигура Бога Отца внизу отчасти закрыта и окружена ореолом, по краям которого надпись: "Бог с небесе сияния своего сподоби мя". На всей же окружности четвёртого круга надпись: "Свят, свят, свят Господь Саваоф, исполнь небо и земля славы Твоея". Господь, окружённый облаками, сидит на радуге, подножием ему служит серафим с распростёртыми крылами; на персях у Господа Св. Дух в виде голубя.

На углах - четыре круга евангелистов, от третьего круга - за четвёртый; на окружностях - имена и толкование: Матфей писан ангел, посол Господень; Марко писан орлим, возлете на небеса; Лука писан Телчим, Мир; Иоанн писан лев, во гробе положиша.

***

Канон покаянный ко Господу нашему Иисусу Христу

Глас 6-й

Песнь 1

Ирмос: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Яко по суху - как по суше. Пешешествовав - пройдя пешком. Богу победную песнь поим, вопияше - (Израильский народ) воскликнул: Воспоем Богу победную песнь!" (именно так, с кавычками, следовало бы писать при передаче современным письмом это место, тем более что несколько необычный для нас порядок слов затрудняет понимание).

Припев:

Примечание: В канонах припев как молитвенное воззвание произносится перед первым и вторым (и третьим, если он есть) тропарем каждой песни, но не читается перед тропарями, начинающимися со Слава отцу, и Сыну, и Святому духу и И ныне и присно, и во веки веков. Аминь.

Ныне приступих аз грешный и обремененный к тебе, Владыце и Богу моему; не смею же взирати на небо, токмо молюся, глаголя: даждь ми, Господи, ум, да плачуся дел моих горько.

Помилуй мя, Боже, помилуй мя.

О, горе мне грешному! Паче всех человек окаянен есмь, покаяния несть во мне; даждь ми, Господи, слезы, да плачуся дел моих горько.

Слава:

Безумне, окаянне, человече, в лености время губиши; помысли житие твое, и обратися ко Господу Богу, и плачися о делах твоих горько.

И ныне:

Мати Божия Пречистая, воззри на мя грешнаго и от сети диаволи избави мя, и на путь покаяния настави мя, да плачуся дел моих горько.

Аз - я. Глаголя - говоря. Даждь - дай. Паче - более. Несть - нет.

*В некоторых древних рукописях есть надписание: "Творение Кир (господина) Андрея Критского". - Примеч. протоиерея Сергия Правдолюбова.

Песнь 3

Ирмос: Несть свят, якоже Ты, Господи Боже мой, вознесый рог верных твоих, Блаже, и утвердивый нас на камени исповедания Твоего.

Несть свят, якоже Ты - Нет столь святого, как Ты. Вознесый рог - возвысивший силу (рог - сила, крепость, преимущество; вознести рог - прославить, укрепить силу, даровать победу на врага). Верных твоих - верующих в Тебя (но, несомненно, и верных Тебе).

Утвердивый нас на камени исповедания Твоего. Слово исповедание означает здесь также завет: на камне Завета Твоего.

Помилуй мя, Боже, помилуй мя.

Внегда поставлени будут престоли на Судищи Страшнем, тогда всех человек дела обличатся; горе тамо будет грешным, в муку отсылаемым; и то ведущи, душе моя, покайся от злых дел твоих.

Помилуй мя, Боже, помилуй мя.

Праведницы возрадуются, а грешнии восплачутся, тогда никтоже возможет помощи нам, но дела наша осудят нас; темже прежде конца покайся от злых дел твоих.

Слава:

Увы мне, великогрешному, иже делы и мысльми осквернився, ни капли слез имею от жестокосердия; ныне возникни от земли, душе моя, и покайся от злых дел твоих.

И ныне:

Се, взывает, Госпоже, Сын Твой, и поучает нас на доброе, аз же грешный добра всегда бегаю; но Ты, Милостливая, помилуй мя, да покаюся от злых моих дел.

Внегда - когда. Ведущи - зная. Праведницы - праведники. Помощи - помочь. Темже - здесь; поэтому, из-за этого. Возникни - поднимись, возвысься (из согнутого - ниц - положения).

Седален, глас 6-й

Помышляю день страшный и плачуся деяний моих лукавых: како отвещаю Безсмертному Царю, или коим дерзновением воззрю на Судию, блудный аз? Благоутробный Отче, Сыне Единородный и Душе Святый, помилуй мя.

Слава, и ныне:

Богородичен: Связан многими ныне пленицами грехов и содержимь лютыми страстьми и бедами, к Тебе прибегаю, моему спасению, и вопию: помози ми, Дево, Мати Божия.

Седален - краткое церковное песнопение, при исполнении которого молящимся дозволяется сидеть в храме - садиться для слушания следующего за ним чтения из Священного Писания или жития святого. После 3-й песни канона следовало в храме уставное чтение (поучений, житий), перед которым и располагался седален.

В православии существует очень много молитв - часть предназначена для ежедневного чтения, какие-то звучат только на богослужениях. Миряне перед Причастием должны произносить особенные молитвы, в том числе покаянный канон Господу Иисусу Христу.


Как правильно читать

Перед таинством причастия православным принято соблюдать 3 дня поста, также положено больше молитв, чем обычно. В том числе читаются три канона:

  • Канон Ангелу Хранителю - поскольку это духовный наставник человека, перед ним надо покаяться в своих прегрешениях;
  • Канон к Богородице - к ней православные обращаются в любых жизненных ситуациях, конечно и в деле спасения она принимает участие;
  • Покаянный канон Господу Иисусу Христу - Он будет определять участь души каждого христианина, поэтому покаянные чувства надо обращать именно к Сыну Божию.

Текст найти можно в любом православном молитвослове. Тем, кто никогда раньше не читал много молитв, может быть тяжело за один раз осилить все необходимое. Поэтому каноны принято объединять - но на самом деле сокращение получается очень небольшое, а смысл будет воспринимать трудней. Есть другой вариант: поскольку подготовка (говение) продолжается, обычно, три дня, в день рекомендуют прочитывать по канону, в дополнение к вечернему правилу.

Причащаться принято обычно во время постов, потому что их довольно много, не каждый может выдержать подобную подготовку в дополнение к ним. А поскольку ограничения в пище уже присутствуют, остается лишь добавить молитвы, посещение богослужений.


Читать канон покаянный ко Господу нашему Иисусу Христу на русском

Подобно Израилю, шедшему по бездне как посуху стопами, гонителя фараона увидев потопляемым, мы Богу победную песнь поем и возглашаем.
Припев: Помилуй меня, Боже, помилуй меня!
Ныне я, грешный и обремененный, приступаю к Тебе, Владыке и Богу моему! Не смею взирать на небо, но только прошу, говоря: дай мне разум, Господи, чтобы я горько оплакивал свои дела!
Припев: Помилуй меня, Боже, помилуй меня!

О, горе мне, грешному! Я злосчастнее всех людей, Во мне нет покаяния! О, дай мне слезы, Господи, чтобы я горько оплакал свои дела!

Слава Отцу и Сыну и Святому Духу!
О, неразумный, несчастный человек! Губишь ты время в лености! Представь себе жизнь свою и обратись к Господу Богу и горько плачь о своих делах!

И ныне, и всегда, и вечно! Аминь.

Пречистая Матерь Божия! Обрати свой взор на меня, грешного, и от сети дьявольской меня избавь. и на путь покаяния меня поставь, чтобы я горько оплакивал свои дела!

В святости нет подобного Тебе, Господи Боже мой, вознесший рог верных Твоих, о Благой, и утвердивший нас, на камне исповедания Твоего.
Когда будут поставлены престолы страшного суда, тогда откроются дела всех людей! Там будет горе грешным, отсылаемым в муку! И зная это, душа моя, обратись от злых твоих дел!
Возрадуются праведники, а грешники расплачутся! Тогда уже никто не сможет помочь нам, но сами наши дела осудят нас! Поэтому прежде конца обратись от злых твоих дел!
Слава: Увы мне, многогрешному, осквернившемуся делами и мыслями: от жесткосердия не имею ни капли слез! Ныне подымись от земли, душа моя, и обратись от злых твоих дел!
И ныне: О, Госпожа! Вот взывает к тебе Сын Твой и нас поучает доброму, но я, грешный, от добра всегда уклоняюсь! Ты же, милостивая, меня помилуй, да обращусь от злых моих дел!

Седален, глас 6-й

Размышляю о дне страшном и оплакиваю злые мои дела. Как же я отвечу бессмертному Царю, или с каким дерзновением я, блудный, посмотрю на Судию? Милосердный Отче, Сыне Единородный и Дух Святой, помилуй меня!
Слава, и ныне: Богородичен:
Ныне будучи связан многими путами грехов и обступаем многими страданиями и бедами, к Тебе, моему спасению, прибегаю и вопию: Помоги мне Дева Матерь Божия!

Христос моя сила, мой Бог и Господь!, Так благолепно поет достойная Церковь, взывая от чистого смысла и веселясь в Господе.
Здесь путь широк и удобен для наслаждений, но как горько будет в последний день, когда будет разлучаться душа с телом! О, человек, храни себя от них, ради Царства Божьего!
Почему убогого обижаешь, плату работника присваиваешь, своего брата не любишь, блуд и гордость являешь? Итак, душа моя, оставь это и исправься ради Царства Божьего!
Слава: О, неразумный человек! Сколько еще будешь погрязать, собирая как пчела свое богатство? Вскоре оно погибнет, став прахом и пеплом, а ты ищи больше Царства Божьего!
И ныне: Госпожа Богородица! Помилуй меня, грешного, и в добродетели укрепи и сохрани меня, чтобы наглая смерть не похитила меня неготовым, и доведи меня, Дева, до Царства Божьего!

О, Благой, озари Твоим Божьим светом души с утра предстоящих Тебе с любовью, чтобы Тебя, Слово Божье, знать как истинного Бога! Так молюсь, взывая из греховного мрака.
Вспомни, несчастный человек, насколько ты грехами своими порабощен лжи, клевете, разбою, немощам, лютым зверям! Душа моя грешная, того ли хотела ты?
Мои члены трепещут, ибо я всеми ими провинился: смотря глазами, слушая ушами, говоря злое языком, себя всего предавая геенне! Душа моя грешная, этого ли хотела ты?
Слава: О, Спаситель, Ты принял уже раскаявшихся блудника и разбойника, я же все еще отягщен греховной ленью и злым делам порабощен! Душа моя грешная, этого ли хотела ты?
И ныне: Матерь Божия, всем людям дивная и скорая помощница! Помоги мне, недостойному, ибо душа моя грешная того уже захотела!

Житейское море видя возмущаемым бурей искушений, прибег я к Твоей тихой пристани, взывая к Тебе: О, Многомилостивый, жизнь мою от тлена возведи!
Жизнь на земле я прожил блудно, и душу предал во тьму, но теперь, милостивый Владыко, умоляю Тебя: освободи меня от этого рабства вражьего и дай мне разума, чтобы исполнять волю Твою!
Кто совершает такое, как я? Ибо как свинья лежит в грязи, так же и я служу греху. Но Ты, Господи, вырви меня из этой гнусности и дай мне такое сердце, чтобы исполнить заповеди Твои!
Слава: Несчастный человек! Вспомни свои согрешения, воспрянь к Богу, припав к Творцу, проливая слезы и стеная! Он же милосердный, даст тебе разум познать волю Его!
И ныне: Богородица Дева! Сохрани меня, Пречистая, от видимого и невидимого зла и возьми мои прошения и передай их Сыну Твоему, да даст мне разумение исполнять волю Его!

Душа моя! зачем богатеешь грехами, Зачем исполняешь дьявольскую волю, в чем полагаешь надежду? Перестань и с плачем обратись к Богу, взывая: милосердный Господи, помилуй меня, грешного!

Представь себе, душа моя, горький час смерти и страшный суд твоего Творца и Бога, когда тебя, душа, уловят грозные силы и введут в вечный огонь! Поэтому прежде смерти исправься, взывая: Господи, помилуй меня, грешного!

Ангел святым отрокам печь оросил, халдеев же опалил велением Божиим, мучителя заставив воззвать: Благословен Бог отцов наших!
Не надейся, душа моя, на телесное богатство и на собирание земных благ, ведь не знаешь, кому это все оставишь, а лучше воззови: Христос Бог, помилуй меня, недостойного!
Не уповай, душа моя на телесное здоровье и на скоропроходящую красоту, ведь ты видишь, что и сильные и молодые умирают, а лучше воззови: Христос Бог, помилуй меня, недостойного!
Слава: Вспомни, душа моя, вечную жизнь и Царство Небесное, приготовленное святым, и тьму внешнюю и гнев Божий злым, и воззови: Христос Бог, помилуй меня, недостойного!
И ныне: Припади, душа моя, к Божьей Матери, и попроси ее, а Она, скорая помощница обращающихся, упросит Сына, Христа Бога, и Он помилует меня, недостойного!

Святым из огня влагу излив и праведника жертву с водою попалив. Ты, Христос, все, что только захочешь, исполняешь! Тебя и превозносим во все времена.
Как могу не плакать, когда представляю себе смерть, Ибо я видел своего лежащим в гробу брата, бесславным и безобразным? Чего жду и на что надеюсь? Господи, дай мне только прежде конца покаяние! (Дважды).
Слава: Верю, что Ты придешь, чтобы судить живых и мертвых! Тогда все встанут в своем чине: старые и молодые, владыки и князья, девственники и священники, но где окажусь я? Поэтому вопию: Господи, дай мне прежде конца покаяние!
И ныне: Пречистая Богородица! Прими недостойное мое прошение, и сохрани меня от наглой смерти, и дай мне прежде конца покаяние!

Людям невозможно видеть Бога, на которого не смеют взирать и чины ангельские! Через Тебя же, Всечистая, людям явилось воплощенное Слово, возвеличивая Которое, мы с небесными силами Тебя ублажаем.
Ныне к вам обращаюсь, ангелы, архангелы и все небесные силы, стоящие у Божьего Престола! Попросите у Творца своего, чтобы избавил Он мою душу от вечной муки!
Ныне плачу перед вами, святые праотцы, цари и пророки, апостолы и святители и все избранники Христовы! Помогите мне на суде, чтобы спас Он мою душу от вражьей силы!
Слава: Ныне к вам возношу руки, святые мученики, пустынники, девственники, праведники и все святые, просящие Господа за весь мир, чтобы помиловал Он меня в час смерти моей.
И ныне: Матерь Божия! Помоги мне, сильно надеющемуся на Тебя, упроси Своего Сына, чтобы, когда сядет Он судить живых и мертвых, поставил меня, недостойного по правую руку свою! Аминь.

Господь всегда с Вами!

В канонах припев как молитвенное воззвание произносится перед первым и вторым (и третьим, когда оно есть) тропарем каждой песни, но не читается перед тропарями, начинающимся со «Слава Отцу и Сыну и Святому Духу» и «И ныне и присно и во веки веков. Аминь».


Слушать канон онлайн

Что такое канон

Это вид церковной поэзии, который имеет определенную форму.

  • Состоит из 9 песен (но петь их необязательно, обычно это делают певчие на службах, в домашних условиях годится обычное чтение);
  • Каждая песня начинается с ирмоса, далее идет краткий припев, он повторяется в каждой песне.
  • В заключении еще два стиха.

В конце идет молитва, где резюмируется весь смысл обращения к Господу. Чтение занимает около 10 мин., если человек плохо знаком с текстом, более опытным дается быстрей. Можно каноны читать в то время, когда стоите в храме в очереди на исповедь, это будет очень к месту. Ведь покаянный канон ко Господу Иисусу Христу призван пробудить в человеке чувство раскаяния.

Покаяние в православии

Чтение молитв - это не самое главное, важно чтобы человек ощутил в себе новое состояние. Это желание измениться, сожаление о своих грехах. Для многих первый шаг - это просто осознать, что ты поступил неправильно. Ведь современных людей приучают к мысли, что они сами хозяева жизни и вольны делать все, что вздумается. Такое мнение не оставляет Богу места, Он не нужен, ведь человек сам все знает. Поэтому многим бывает сложно отказаться от практики на исповеди обличать всех, кроме себя.

Раскаяние это не просто декларация того, что христианин поступил неправильно. Должно возникнуть сожаление о содеянном. Не надо успокаивать себя тем, что не было тяжких грехов (например, супружеской измены). Недоброе слово, адресованное ближнему, может его ранить также сильно, привести к унынию. А это губит душу. Канон покаянный ко Господу нашему Иисусу Христу учит, что даже мысли способны осквернить человека.

Изменения

Немаловажно и другое - у человека должно возникнуть желание исправиться. Но сделать это сам человек не в силах, для этого верующим подается во время литургии Тело и Кровь Христа, как спасительное лекарство для души и тела. Именно изменения - цель всей духовной жизни, без них постоянное механическое повторение молитв не будет иметь ценности.

Сначала желание жить по заповедям приходит человеку на ум - его мысли начинают стремиться к Творцу, а не к удовлетворению собственных потребностей. Затем постепенно смягчается сердце, оно острей ощущает чужую боль, становится более чутким. Душа начинает приоткрываться Божьей благодати. А именно она и дает силы на то, чтобы оставаться на праведном пути.

Читая снова покаянный канон ко Господу Иисусу Христу, человек будет испытывать другие чувства, очищаться слезами раскаяния, будет готов на радикальные перемены. Многие сумели оставить пагубные привычки - например, курение, тягу к спиртному. Плодом покаяния обязательно должны становиться дела, иначе это простое перечисление грехов, которое неугодно Богу.

Для чего люди каются

Для чего вообще человеку необходимо каяться? Чтобы стать ближе к Богу. А зачем? Чтобы вечная душа после смерти соединилась с Ним, пребывала в раю, наслаждаясь общением с Господом. Земная жизнь нужна для того, чтобы приготовиться к этому. Вот для чего христианам необходимы молитвы, богослужения, таинства. Ощущения духовной радости после очищения совести и причастия - бледная тень той славы, которую имеет Святая Троица на самом деле.

: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Ныне приступих аз грешный и обремененный к Тебе, Владыце и Богу моему; не смею же взирати на небо, токмо молюся, глаголя: даждь ми, Господи, ум, да плачуся дел моих горько.
Припев: Помилуй мя, Боже, помилуй мя.
О, горе мне грешному! Паче всех человек окаянен есмь, покаяния несть во мне; даждь ми, Господи, слезы, да плачуся дел моих горько.

Безумне, окаянне человече, в лености время губиши; помысли житие твое, и обратися ко Господу Богу, и плачися о делех твоих горько.

Мати Божия Пречистая, воззри на мя грешного, и от сети диаволи избави мя, и на путь покаяния настави мя, да плачуся дел моих горько.

Песнь 3
: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.
Припев: Помилуй мя, Боже, помилуй мя.
Внегда поставлени будут престоли на судищи страшнем, тогда всех человек дела обличатся; горе тамо будет грешным, в муку отсылаемым; и то ведущи, душе моя, покайся от злых дел твоих.
Припев: Помилуй мя, Боже, помилуй мя.
Праведницы возрадуются, а грешнии восплачутся, тогда никтоже возможет помощи нам, но дела наша осудят нас, темже прежде конца покайся от злых дел твоих.
Слава Отцу и Сыну и Святому Духу.
Увы мне великогрешному, иже делы и мысльми осквернився, ни капли слез имею от жестосердия; ныне возникни от земли, душе моя, и покайся от злых дел твоих.
И ныне и присно и во веки веков. Аминь.
Се, взывает, Госпоже, Сын Твой, и поучает нас на доброе, аз же грешный добра всегда бегаю; но Ты, Милостивая, помилуй мя, да покаюся от злых моих дел.

Седален, глас 6-й
Помышляю день страшный и плачуся деяний моих лукавых: како отвещаю Безсмертному Царю, или коим дерзновением воззрю на Судию, блудный аз? Благоутробный Отче, Сыне Единородный и Душе Святый, помилуй мя.

Богородичен
Слава Отцу и Сыну и Святому Духу. И ныне и присно и во веки веков. Аминь.
Связан многими ныне пленицами грехов и содержим лютыми страстьми и бедами, к Тебе прибегаю, моему спасению, и вопию: помози ми, Дево, Мати Божия.

Песнь 4
: Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.
Припев: Помилуй мя, Боже, помилуй мя.
Широк путь зде и угодный сласти творити, но горько будет в последний день, егда душа от тела разлучатися будет: блюдися от сих, человече, Царствия ради Божия.
Припев: Помилуй мя, Боже, помилуй мя.
Почто убогаго обидиши, мзду наемничу удержуеши, брата твоего не любиши, блуд и гордость гониши? Остави убо сия, душе моя, и покайся Царствия ради Божия.
Слава Отцу и Сыну и Святому Духу.
О, безумный человече, доколе углебаеши, яко пчела, собирающи богатство твое? Вскоре бо погибнет, яко прах и пепел: но более взыщи Царствия Божия.
И ныне и присно и во веки веков. Аминь.
Госпоже Богородице, помилуй мя грешного, и в добродетели укрепи, и соблюди мя, да наглая смерть не похитит мя неготоваго, и доведи мя, Дево, Царствия Божия.

Песнь 5
: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.
Припев: Помилуй мя, Боже, помилуй мя.
Воспомяни, окаянный человече, како лжам, клеветам, разбою, немощем, лютым зверем, грехов ради порабощен еси; душе моя грешная, того ли восхотела еси?
Припев: Помилуй мя, Боже, помилуй мя.
Трепещут ми уди, всеми бо сотворих вину: очима взираяй, ушима слышай, языком злая глаголяй, всего себе геенне предаяй; душе моя грешная, сего ли восхотела еси?
Слава Отцу и Сыну и Святому Духу.
Блудника и разбойника кающася приял еси, Спасе, аз же един леностию греховною отягчихся и злым делом поработихся, душе моя грешная, сего ли восхотела еси?
И ныне и присно и во веки веков. Аминь.
Дивная и скорая помощнице всем человеком, Мати Божия, помози мне недостойному, душа бо моя грешная того восхоте.

Песнь 6
: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.
Припев: Помилуй мя, Боже, помилуй мя.
Житие на земли блудно пожих и душу во тьму предах, ныне убо молю Тя, Милостивый Владыко: свободи мя от работы сея вражия, и даждь ми разум творити волю Твою.
Припев: Помилуй мя, Боже, помилуй мя.
Кто творит таковая, якоже аз? Якоже бо свиния лежит в калу, тако и аз греху служу. Но Ты, Господи, исторгни мя от гнуса сего и даждь ми сердце творити заповеди Твоя.
Слава Отцу и Сыну и Святому Духу.
Воспряни, окаянный человече, к Богу, воспомянув своя согрешения, припадая ко Творцу, слезя и стеня; Той же, яко милосерд, даст ти ум знати волю Свою.
И ныне и присно и во веки веков. Аминь.
Богородице Дево, от видимаго и невидимаго зла сохрани мя, Пречистая, и приими молитвы моя, и донеси я Сыну Твоему, да даст ми ум творити волю Его.

Кондак
Душе моя, почто грехами богатееши, почто волю диаволю твориши, в чесом надежду полагаеши? Престани от сих и обратися к Богу с плачем, зовущи: милосерде Господи, помилуй мя грешнаго.

Икос
Помысли, душе моя, горький час смерти и страшный суд Творца твоего и Бога: Ангели бо грознии поймут тя, душе, и в вечный огнь введут: убо прежде смерти покайся, вопиющи: Господи, помилуй мя грешнаго.

Песнь 7
: Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.
Припев: Помилуй мя, Боже, помилуй мя.
Не надейся, душе моя, на тленное богатство и на неправедное собрание, вся бо сия не веси кому оставиши, но возопий: помилуй мя, Христе Боже, недостойнаго.
Припев: Помилуй мя, Боже, помилуй мя.
Не уповай, душе моя, на телесное здравие и на скоромимоходящую красоту, видиши бо, яко сильнии и младии умирают; но возопий: помилуй мя, Христе Боже, недостойнаго.
Слава Отцу и Сыну и Святому Духу.
Воспомяни, душе моя, вечное житие, Царство Небесное, уготованное святым, и тьму кромешную и гнев Божий злым, и возопий: помилуй мя, Христе Боже, недостойнаго.
И ныне и присно и во веки веков. Аминь.
Припади, душе моя, к Божией Матери и помолися Той, есть бо скорая помощница кающимся, умолит Сына Христа Бога, и помилует мя недостойнаго.

Песнь 8
: Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.
Припев: Помилуй мя, Боже, помилуй мя.
Како не имам плакатися, егда помышляю смерть, видех бо во гробе лежаща брата моего, безславна и безобразна? Что убо чаю, и на что надеюся? Токмо даждь ми, Господи, прежде конца покаяние. (Дважды)
Слава Отцу и Сыну и Святому Духу.
Верую, яко приидеши судити живых и мертвых, и вси во своем чину станут, старии и младии, владыки и князи, девы и священницы; где обрящуся аз? Сего ради вопию: даждь ми, Господи, прежде конца покаяние.
И ныне и присно и во веки веков. Аминь.
Пречистая Богородице, приими недостойную молитву мою и сохрани мя от наглыя смерти, и даруй ми прежде конца покаяние.

Песнь 9
: Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с небесными вои Тя ублажаем.
Припев: Помилуй мя, Боже, помилуй мя.
Ныне к вам прибегаю, Ангели, Архангели и вся небесныя силы, у Престола Божия стоящии, молитеся ко Творцу своему, да избавит душу мою от муки вечныя.
Припев: Помилуй мя, Боже, помилуй мя.
Ныне плачуся к вам, святии патриарси, царие и пророцы, апостоли и святителие и вси избраннии Христовы: помозите ми на суде, да спасет душу мою от силы вражия.
Слава Отцу и Сыну и Святому Духу.
Ныне к вам воздежу руце, святии мученицы, пустынницы, девственницы, праведницы и вси святии, молящиися ко Господу за весь мир, да помилует мя в час смерти моея.
И ныне и присно и во веки веков. Аминь.
Мати Божия, помози ми, на Тя сильне надеющемуся, умоли Сына Своего, да поставит мя недостойнаго одесную Себе, егда сядет судяй живых и мертвых, аминь.

Молитва
Господи Иисусе Христе, Сыне Божий, помилуй мя грешнаго.
Владыко Христе Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Тебе прегрешившему, слезы умиления; сраствори моему телу от обоняния Животворящаго Тела Твоего, и наслади душу мою Твоею Честною Кровию от горести, еюже мя сопротивник напои; возвыси мой ум к Тебе, долу поникший, и возведи от пропасти погибели: яко не имам покаяния, не имам умиления, не имам слезы утешительныя, возводящия чада ко своему наследию. Омрачихся умом в житейских страстех, не могу воззрети к Тебе в болезни, не могу согретися слезами, яже к Тебе любве. Но, Владыко Господи Иисусе Христе, сокровище благих, даруй мне покаяние всецелое и сердце люботрудное во взыскание Твое, даруй мне благодать Твою и обнови во мне зраки Твоего образа. Оставих Тя, не остави мене; изыди на взыскание мое, возведи к пажити Твоей и сопричти мя овцам избраннаго Твоего стада, воспитай мя с ними от злака Божественных Твоих Таинств, молитвами Пречистыя Твоея Матере и всех святых Твоих. Аминь.

© 2024 sch296.ru - Отношения. Вдохновение. Деньги и успех. Медитация. Гороскопы